軒尼詩冰廳 (駱克道) (已結業)

聽佢個名似茶記，睇佢嘅裝修似Cafe，實質係茶餐廳價錢嘅西餐廳，仲有啲真係茶餐廳有嘅嘢食🤣依間好驚喜！冇預佢呢個價錢可以食到依個質素，超滿意🥰🐷紐西蘭直送西冷牛扒 $132西冷牛扒大大件 ，侍應冇特別問我哋幾多成熟，嚟到大概七成熟左右，牛扒好有牛味，基本上都唔使點樣點汁🐮有得揀間飯、意粉、沙律定薯菜，成個餐仲有提子包同餐湯，好豐富嘅一餐，細食會食唔晒🤭🐷大蝦凱撒沙律 $62有五隻大蝦，蝦肉新鮮爽口，沙律菜色澤鮮艷又新鮮🥗有個貼心嘅位係佢已經預先撈好咗沙律醬而唔係淨係倒係面👍沙律仲要跟飲品，減肥嘅朋友可以淨食沙律同飲野😘🐷焗芝士薯蓉肉醬千層麵 $68呢個真係好食，喺其他餐廳食一定超$100😵‍💫薯蓉口感細滑，千層麵夾雜蕃茄肉醬味道啱啱好🍅面頭再有白汁和芝士，芝士唔算好多但足以拉絲😚🐷奶茶紅豆冰 +$9 🐷鴛鴦紅豆冰 +$9依兩杯特飲正價$32，跟餐都只係加$10唔使，抵到喊🤫我飲個杯係鴛鴦紅豆冰走甜，雖然走甜，但係加埋紅豆原本嘅甜度啱啱好！環境 🐖🐖🐖🐖🐽 4.5/5 食物質素🐖🐖🐖🐖🐖 5/5店員態度🐖🐖🐖🐖 4/5✨人均消費 ～$130🏠軒尼詩冰廳📍灣仔駱克道139號地下