桃園麵家茶餐廳 (已結業)

喺修頓玩完都已經4:30pm，本來想去東方小祇園食野，點知去到竟然烏燈黑火，現場環境似落場時間，於是行多兩步，去附近嘅＜桃園麵家茶餐廳＞醫肚！呢度嘅茶餐2:15—6:30pm，時間夠長之餘仲有好多選擇呀，都只係$30樓下！有一口西多士（below$23）、即烘脆脆（$17 / $24）、吐司厚片（$18）、滋味沙律、曲薯條（$21-$25）、米線餐（$21-$25）、焗飯或意粉（$28-$29）、大碗飯湯拉麵（$26-$29）、濃湯公仔麵（$23-$25）連印度酥餅（$20）都有呀！我地3個人食飽飽都係$76！ 魚餅煎蛋撈麵+凍奶茶($25+$2=$27)好一個中、西式的配搭！香蔥炸魚餅＋煎蛋，配上中式蛋麵，感覺幾得意！加埋西生菜，營養全面又唔太heavy！ 午餐肉炒公仔麵+凍鴛鴦($28)除左午餐肉之外，仲有青紅椒和芹菜，不過麵底好似少左Ｄ！至於杯凍飲就大大杯，真夠喉！ 照燒汁蟹餅沙律+熱華田($21)３件蟹餅好香口，個沙律有大粒青瓜、紅蘿蔔、薯仔！