金城茶餐廳

营业中

休息中

之前唔知發咩神經，走咗入大圍搵野食，之後就入咗「金城茶餐廳」，試下出名嘅碟頭飯😂😂😂。椒鹽豬扒飯雖然喺茶記碟頭飯，但呢碟椒鹽豬扒飯喺我食過最最最好食嘅。雖然豬扒炸得香、內層又軟熟同幼嫩，但都未能夠完完全全征服我個心。呢碟飯最出色嘅喺佢用作調味嘅椒鹽同埋蔥油花。咁多蔥油花同汁水，但味道又唔會過鹹，而且仲有微甜味，證明有用心去調教過味道。蔥花應該有預先炒香咗先再同豬扒回鑊一齊炒，所以無咗蔥花嘅辛辣口感，多咗一份青甜味。放眼全場，差唔多個個都食緊碟頭飯，證明有實力呀😂😂下次再嚟試下佢個肉餅飯先。