金記冰室 (已結業)

適逢老豆生日，但撞正佢哋忙住搬屋，老豆竟然唔肯入流浮山食佢最鍾意嘅海鮮，家姐實在太聰明，諗到好計！就係自己喺楊屋道買海鮮，然後帶去對面新開嘅金記冰室加工煮食。妹夫識楊屋道海鮮檔東主，梗係由佢發板去買海鮮，佢買咗一隻三斤大龍蝦，大扇貝，同我最鍾意食嘅肉蟹，加埋都唔使＄900。去到金記，我哋先嗌咗茶餐廳必食嘅雞尾包同雞翼薯條，由於菠蘿包太受歡迎，所以已經售罄 ，唯有下次過嚟買外賣。另外我哋再叫左四客晚餐，全部跟湯跟飯跟飲品，在以優惠價叫咗一條海斑及一碟炒蜆。大部份食物味道OK，不過個炒蟹就略嫌鹹咗少少！仲有個炒蜆，非常之唔新鮮，食落有啲臭味，所以叫佢拎走咗。茶餐廳埋單八百幾蚊，全家10人，咁樣買海鮮去茶餐廳加工炒，都係第一次！下次可以再試！