影片
更多
2021-08-27
221 浏览
叫咗個炸韓式餃子 ，韓閣雜錦蛋捲，同埋甜辣炸雞。先講下配菜同埋服務方面。正常韓國餐廳應該會有水飲，同埋有泡菜、蘿蔔等開胃前菜。但係呢度係一樣都冇提供的，事後睇返上網餐牌發現，原來加前菜係逐碟逐碟加錢的，泡菜一碟$xx，菠菜一碟$xx。都唔緊要的，咁一開始佢就送咗個炸餃子過嚟。賣相都唔錯，食落都幾酥脆。但係一咬落去就知，皮係熱，入邊啲餡係凍嘅。外熱內凍嘅感覺。但係我唔明點解餃子係會配蕃茄醬？第二樣菜式就係嗰個雜錦蛋捲，有蟹籽、泡菜、芝士係上面。但係啲芝士就少得可憐，一啖咬落去，蛋捲真係得雞蛋味，啲芝士味係少到完全食唔到有的。三種材料夾埋一齊，同埋個蛋捲嘅味道係相當之唔夾，好難形容到嗰陣味。總之就好大違和感，所以我食蛋捲嘅時候，會分開晒啲材料嚟食。例如淨係食個蛋捲/淨係食上面嘅泡菜。但係好評就係: 個蛋捲係滑嘅。最後就係甜辣炸雞，份量就係五件左右，睇落個賣相都麻麻地，所以都不太大期望。一食落去，嗰種味道同埋口感果然係唔會令我失望，一如既往地吾合格。餐廳亦唔會提供白蘿蔔解油膩，食落去種感覺就好似KFC嘅家鄉雞，加咗啲好稀嘅甜辣汁係上面(唔係醬嘅感覺)，味道一般但係唔係特別好食。雞肉鞋，雞皮炸
叫咗個炸韓式餃子 ，韓閣雜錦蛋捲，同埋甜辣炸雞。
先講下配菜同埋服務方面。正常韓國餐廳應該會有水飲，同埋有泡菜、蘿蔔等開胃前菜。
但係呢度係一樣都冇提供的，事後睇返上網餐牌發現，原來加前菜係逐碟逐碟加錢的，泡菜一碟$xx，菠菜一碟$xx。
都唔緊要的，咁一開始佢就送咗個炸餃子過嚟。
賣相都唔錯，食落都幾酥脆。
但係一咬落去就知，皮係熱，入邊啲餡係凍嘅。外熱內凍嘅感覺。但係我唔明點解餃子係會配蕃茄醬？
第二樣菜式就係嗰個雜錦蛋捲，有蟹籽、泡菜、芝士係上面。但係啲芝士就少得可憐，一啖咬落去，蛋捲真係得雞蛋味，啲芝士味係少到完全食唔到有的。
三種材料夾埋一齊，同埋個蛋捲嘅味道係相當之唔夾，好難形容到嗰陣味。總之就好大違和感，所以我食蛋捲嘅時候，會分開晒啲材料嚟食。例如淨係食個蛋捲/淨係食上面嘅泡菜。
但係好評就係: 個蛋捲係滑嘅。
最後就係甜辣炸雞，份量就係五件左右，睇落個賣相都麻麻地，所以都不太大期望。
一食落去，嗰種味道同埋口感果然係唔會令我失望，一如既往地吾合格。
餐廳亦唔會提供白蘿蔔解油膩，食落去種感覺就好似KFC嘅家鄉雞，加咗啲好稀嘅甜辣汁係上面(唔係醬嘅感覺)，味道一般但係唔係特別好食。
雞肉鞋，雞皮炸到硬哂，食落去唔似係脆雞，而係一舊石頭，對啲牙齒相當吾友善。
叫咗兩杯嘢飲，一杯就係橙汁菠蘿梳打，一杯就係保守啲一定唔會難飲嘅紅豆抹茶牛奶。
橙汁本身已經甜，佢仲要加埋菠蘿蜜喺底，飲落成杯糖水咁😂。杯紅豆抹茶牛奶又係….本身我本人都好鍾意飲甜，凍檸茶/咖啡要加甜嗰啲人嚟，但係今次依兩杯嘢飲我都頂唔順，係甜到其他飲品嘅味道都飲唔到了。
最後佢有個優惠就係，like佢嘅社交平台就可以送甜品，但係由於以上三種食物都太過”特別”，冇勇氣再挑戰佢其他產品。侍應態度就茶記服務，大家係香港人都明啦。
我覺得一間餐廳一兩碟菜式難食我都可以接受，但係呢間餐廳連續三連炸我。
本身我好少喺OpenRice度開食評，呢間真係難食到要我特登驗證個email去分享依家世紀劣食。不值一試，絕無回頭。
23 浏览
0 赞好
0 留言
张贴
