明記茶餐廳 (已結業)

去元朗探朋友，佢選擇去水邊圍嘅舊區食飯，仲指明食呢間明記茶餐廳。一去到，已經見到入面接近滿座，最後嘅兩個空位就被我哋所佔據。上網睇過菜單，再對比店內張貼嘅大字報，跟住店員告知兩份菜單其實係同一款，唔需要對比。跟住落單點咗星洲炒米後，鄰座食客嘅蝦醬炒乾炒牛河好出味，端上桌一刻真係想改變主意。不過都係唔好麻煩店員喇……我想講呢碟星洲炒米打破咗我嘅認知，我未見過咁大碟，估計有兩個麵底。食落感覺炒鑊唔差，而且叉燒唔似一般鋪頭個種擦子膠質感，無須瘋狂嘴嚼都可以入口。蛋花炒得都好夠味，食幾啖米粉再食蛋花，會感覺到有種味覺上衝擊註：其他食客點嘅餐陣蒜香味都好正，Mark定下次再食。