澳門翠苑餐廳

营业中

休息中

素知呢間茶記以澳門食物為主打。專誠嚟到，點可以唔試?理論上應必試豬扒包。但見賣相，有如瘦骨嶙峋之老人，睇見怕怕...太座叫嘅蕃茄薯仔牛腩碎湯通粉，用嘅係有坑紋嘅通粉，更易嗦晒D茄味，加埋碎牛腩，有口感，稱得上係一個製作簡單而美味嘅速食之作...呢度嘅掛頭牌之作為麵包雞。印象上呢味未响澳門食過(反而响馬來西亞就食過一次)。以大大個法包嚟做容器為賣點，包表皮食落頗脆口，伴包吃嘅咖喱汁頗稀身，椰味尚夠；雞件雖係雪藏貨，但食落唔覺有乜雪味，雞件經走油後食落頗香口，尚可....份量極大，食極都食唔晒....水準不俗，但未致於一鳴驚人...