利園茶餐廳 (已結業)

繼續再試土記附近嘅茶記...離家只有幾條街之隔，食完過對面搭巴士返工，頗方便...冇所謂嘅ABC餐，只有麵及麥皮餐供應。今朝早對麥皮不感興趣，要個紅腸、鮮牛肉及餐肉三拼麵...轉食一丁要加三蚊。不嬲對呢樣嘢極度反感。加三大洋? 直頭就係牟取暴利...用普通大光麵，當然點都會差D。但呢度嘅麵淥得唔太淰，已經算係不太差...紅腸及餐肉有略煎過，但就唔係即煎即上，食味點都差咗...從來冇食過俾梳打粉醃得咁厲害嘅"鮮牛肉"，不吃也罷...試一次便夠...