金記冰室 (新都城中心二期) (已結業)

採用QR code落單，方便快捷！我地無留意到QR code直接搵左店員落單，店員都好爽快即刻幫我地服務。🔸鐵板西冷牛扒牛扒唔係平時薄身的，略有厚度，食起上來有大口食肉既感覺，份量夠大而且牛扒都夠油香。配菜可以揀飯、意粉、薯菜！薯仔略嫌唔夠熱，不過都夠脆。跟餐可以要中湯或西湯，西湯係羅宋湯，味道普普通通，無特別。🔸鐵板雜扒有豬扒、雞扒、牛扒、腸仔、煙肉！岩晒心大心細想每樣都食小小既人，牛扒當然無西冷厚同大，但都好夠份量嫁！呢個配左茄汁意粉，少少酸酸甜甜幾好食。🔸金記生炸雞脾配沙律雞脾份量足，生炸外皮脆卜卜，內裡肉質嫩滑。沙律係薯仔沙律，呢個好食，夠淋沙律醬都唔會有酸味！天氣轉涼，所以叫左杯好少見既薑檸樂，飲完成個人暖笠笠。