廉記冰室 (春園街) (已結業)

今日去到灣仔返工，終於都去到食晏時段， 同事就介紹一間新舖，話佢而家仲係試業階段，同事介紹到咁一於去試一試。去到門口大約一點鐘到，已經有五六人等緊位， 好彩等咗大約十分鐘已經可以入座，證明餐廳嘢食都出得幾快，運轉唔會慢。我就點了男人之選，其實就係豬扒腸仔福字麵， 跟菠蘿油拼火腿蛋奄列。豬扒都好大塊 ，又夠淋，最重要夠入味， 腸仔都係正常嘢嚟， 至於最重要嘅面底， 福字麵嘅麵質，已經畀我細個嘅時候進步咗好多， 無諗過福字麵都會有驚喜，好彩冇加錢轉出前一丁，明智嘅選擇。至於菠蘿油，夠曬新鮮熱辣辣送到上枱，入面塊牛油凍冰冰，又有小小溶化， 口感份外出眾。飲品方面，我就叫咗熱奶茶，茶味幾濃，又夠滑，還不錯。下次灣仔返工，又一新選擇。