影片
更多
2010-02-19
136 浏览
農曆新年的紅日假期完了, 公司仍未啟市之際, 正好辦理平時上班做唔到既事, 而其中一樣, 就是來樂茶軒嘆茶.環境清雅, 好有一個古代茶館既感覺. 店內, 仿佛只有我們兩個為食而來的人士. 其他坐係度嘆茶的, 尤其是老外們, 一些懂得茶道, 一些為了感受一下中國的茶文化, 另外亦有一批人, 由茶藝館館主開班, 細心聆聽學習中國茶藝的熱心人士(外國人居多). 整個環境, 古典, 典雅, 雅靜, 靜心, 非常之悠閒. 我們只點下價錢平平地的台灣高山烏龍茶. 點好茶, 同點心. 小二即時幫我們燒水, 再把專業茶具放在我們檯上, 即場進行一個中國茶藝既表演. 先洗茶壺, 再洗茶葉, 看似簡單但我們絕對是要花時間同心機才能學得好既一門手藝.茶泡好, 入口帶點甘香, 烏龍茶味道比較清, 完全不刺激. 飲落非常之溫和舒服. 不一會, 點心亦到了. 首先來了蒸點, 鮮百合粉果, 同迷你荷葉糯米包. 再來是沙嗲串燒, 豆苗水餃, 同加點的龍華寺素卷.先食鮮百合粉果, 20幾元, 一人一隻, 說就是精素的價錢. 餃皮方面, 就有點兒失色, 因為太粘了, 完全地粘著碟, 粘著筷子, 盡管裡面個餡幾好食, 身為
環境清雅, 好有一個古代茶館既感覺. 店內, 仿佛只有我們兩個為食而來的人士. 其他坐係度嘆茶的, 尤其是老外們, 一些懂得茶道, 一些為了感受一下中國的茶文化, 另外亦有一批人, 由茶藝館館主開班, 細心聆聽學習中國茶藝的熱心人士(外國人居多). 整個環境, 古典, 典雅, 雅靜, 靜心, 非常之悠閒.
我們只點下價錢平平地的台灣高山烏龍茶. 點好茶, 同點心. 小二即時幫我們燒水, 再把專業茶具放在我們檯上, 即場進行一個中國茶藝既表演. 先洗茶壺, 再洗茶葉, 看似簡單但我們絕對是要花時間同心機才能學得好既一門手藝.
茶泡好, 入口帶點甘香, 烏龍茶味道比較清, 完全不刺激. 飲落非常之溫和舒服. 不一會, 點心亦到了. 首先來了蒸點, 鮮百合粉果, 同迷你荷葉糯米包. 再來是沙嗲串燒, 豆苗水餃, 同加點的龍華寺素卷.
先食鮮百合粉果, 20幾元, 一人一隻, 說就是精素的價錢. 餃皮方面, 就有點兒失色, 因為太粘了, 完全地粘著碟, 粘著筷子, 盡管裡面個餡幾好食, 身為餃子, 個皮唔得, 已經扣哂分.
之後是豆苗水餃, 是日看了新聞. 豆苗賣成$100一斤. 諗返起, 此豆苗餃, 有點值得. 味道非常之好. 水餃皮夠煙韌, 豆苗同湯汁, 完全的鎖在水餃入面, 輕輕的點一點醬油. 清淡而美味.
沙嗲串燒, 又是一個黯然失色既小點. 可能是燒素食食材的原固, 不用燒太耐而令到燒的菜菇不是太熱. 而可能要就一就茶的味道, 不能讓食物的濃味搶走茶的香味, 故沙嗲味比較淡. 不過, 唔可以話佢唔好食, 只是感覺到係modified左.
迷你荷葉糯米包, 即是珍珠雞的美名. 素既珍珠雞. 味道做得好似出面酒樓食到既珍珠雞. 內裡沒有雞肉同肉碎, 換來是冬菇碎粒. 整個飯團, 充滿荷葉香, 食落, 另有冬菇香味配搭. 小小件, 小小美味, 小小飯香, 小小荷香,小小的滿足.
我們還想嘆多一杯茶, 口仍想邊咬野, 邊嘆一嘆. 另外叫多一份龍華寺素卷. 其實此素卷, 是腐皮卷. 是醃製過的腐皮卷, 本身已經帶有味道, 而且那味道, 比起先前的所有點心, 來得濃烈, 多了點豉油味, 口香感覺非常好, 邊食邊用茶, 竟然是茶的catalyse. 令到茶入口時既口感同甘香味, 更加的突出.
說罷, 我們邊傾, 邊飲, 邊食, 竟嘆了兩個小時之久, 若是平日要上班, 忙忙碌碌的, 就算有兩小時lunch time, 一定沒有咁樣既平靜心境, 去欣賞茶既味道.
離開後, 我們才想起, 忘了問為何飲茶要配上素食呢......下次有機會, 再研究.
张贴
