茶理史 (已結業)

呢間茶理史喺厚福裏面嘅小巷度，要鑽入去先見到，但係值得入去嘅🤤 今次叫左琥珀白玉奶茶加龍珠寒天($23+6) 其實睇中英文名都唔知實質係咩，但係見佢係初嚐必選就揀左佢。出到嚟見佢咁紅都有奇，心諗唔通係港式奶茶，但飲落原來係thai tea，大家都知thai tea出名甜，所以佢都的確比普通奶茶甜，即使我地叫嘅係半糖，但不過我好鍾意。 佢配料比得好足，兩種配料加埋都差唔多半杯。白玉嘅質地比平時嘅珍珠比較煙韌有咬口，而寒天就比較爽口，兩樣同時啜入口就會有唔同嘅層次🧋比起附近ChaTraMue，我會揀呢間cp值高啲嘅🤤