98
16
5
等级4
2018-11-22 355 浏览
好友是個小丸子迷,家裡收藏咗唔少小丸子精品,由吊飾、面膜、毛公仔,以至攬枕等,應有盡有,認真誇張。這天相約我晚飯一聚,就選了世貿中心入面嗰間「茶木‧台式休閒餐廳」。原來友人得知「茶木」最近聯乘《櫻桃小丸子》,推出咗多款小丸子造型食品同飲品,而且餐廳更將旗下 3 間分店,包括旺角瓊華中心、銅鑼灣世貿中心同九龍灣 MegaBox,化身成不同探險故事的場景,所以想趁機嚟尋幽探秘。聽朋友講,今次銅鑼灣世貿店係以「Ocean Theme 小丸子海洋友聚時光」為主題,唔怪得餐廳嘅門面用上柔和舒服嘅水藍色為主調,加上離遠已經見到小丸子同佢嘅閨密小玉,化身成海蚌公主,造型超級可愛,簡直迷倒一眾粉絲。至於餐廳入面,影相位當然亦多不勝數,牆身上滿佈海洋主題的小丸子角色,令人目不暇給;不過講到最多女生爭住打卡拍照嘅,唔洗講都知一定係放喺牆角嗰個造型萌爆嘅 3D 立體小丸子海洋公主啦,夠曬 Kawaii。食物方面,原來每一間分店都會有兩款獨賣菜式,包括一款限定主菜同一款限定甜品,既然一場嚟到,當然唔可以錯過,另外再加多一客主食同兩杯飲品,應該足夠我哋兩個分享。先嚟一客小玉南瓜海鮮魔法 ($138),成品用料非
更多
好友是個小丸子迷,家裡收藏咗唔少小丸子精品,由吊飾、面膜、毛公仔,以至攬枕等,應有盡有,認真誇張。這天相約我晚飯一聚,就選了世貿中心入面嗰間「茶木‧台式休閒餐廳」。原來友人得知「茶木」最近聯乘《櫻桃小丸子》,推出咗多款小丸子造型食品同飲品,而且餐廳更將旗下 3 間分店,包括旺角瓊華中心、銅鑼灣世貿中心同九龍灣 MegaBox,化身成不同探險故事的場景,所以想趁機嚟尋幽探秘。
6 浏览
0 赞好
0 留言
9 浏览
0 赞好
0 留言
8 浏览
0 赞好
0 留言
聽朋友講,今次銅鑼灣世貿店係以「Ocean Theme 小丸子海洋友聚時光」為主題,唔怪得餐廳嘅門面用上柔和舒服嘅水藍色為主調,加上離遠已經見到小丸子同佢嘅閨密小玉,化身成海蚌公主,造型超級可愛,簡直迷倒一眾粉絲。
5 浏览
0 赞好
0 留言
6 浏览
0 赞好
0 留言
4 浏览
0 赞好
0 留言
3 浏览
0 赞好
0 留言
2 浏览
0 赞好
0 留言
至於餐廳入面,影相位當然亦多不勝數,牆身上滿佈海洋主題的小丸子角色,令人目不暇給;不過講到最多女生爭住打卡拍照嘅,唔洗講都知一定係放喺牆角嗰個造型萌爆嘅 3D 立體小丸子海洋公主啦,夠曬 Kawaii。
59 浏览
0 赞好
0 留言
食物方面,原來每一間分店都會有兩款獨賣菜式,包括一款限定主菜同一款限定甜品,既然一場嚟到,當然唔可以錯過,另外再加多一客主食同兩杯飲品,應該足夠我哋兩個分享。
0 浏览
0 赞好
0 留言
1 浏览
0 赞好
0 留言
0 浏览
0 赞好
0 留言
4 浏览
0 赞好
0 留言
4 浏览
0 赞好
0 留言
8 浏览
0 赞好
0 留言
先嚟一客小玉南瓜海鮮魔法 ($138),成品用料非常豐富,廚師喺原個迷你南瓜入面放咗龍蝦肉、藍青口、魷魚、大蜆同菇菌等;南瓜汁香濃鮮甜、龍蝦肉彈牙爽口、藍青口肉質嫩滑、而大蜆食落亦爽滑味鮮,入口完全無沙,配埋碟上兩件沾滿南瓜汁的鱸魚柳吃,非常美味。旁邊伴吃的炸花枝丸亦很有水準,新鮮彈牙,口感唔錯,配埋四色蘿蔔片吃,相當飽足。
3 浏览
0 赞好
0 留言
7 浏览
0 赞好
0 留言
早幾日先食完鰻魚飯,仍有點意猶未盡,所以另一客主食就揀咗小丸子番茄肉燥鰻魚飯 ($128)。飯砌成小丸子頭形,而上面就鋪咗嬌俏嘅小丸子模樣可食用彩色「貼紙」,四邊圍上醬汁,再加埋蒲燒鰻魚同食用花作點綴,賣相可人,令人胃口大開。鰻魚分量雖然不多,但烤得香軟甘甜,加上微酸微甜嘅番茄肉燥醬汁,集台式與西式風味於一身,味道非常夾配,絕對值得一試!
0 浏览
0 赞好
0 留言
1 浏览
0 赞好
0 留言
小丸子熱香餅 ($68),Pancake 以海灘伴碟造型登場,熱香餅上面印有小丸子嘜頭,造型萌氣逼人、相當可愛。天藍色嘅海水,其實係「奶蓋醬」,而旁邊嘅沙灘就用咗餅乾碎組成,再加上士多啤梨、香蕉、胚芽忌廉等,像真度極高,盡顯廚師心思。
0 浏览
0 赞好
0 留言
6 浏览
0 赞好
0 留言
4 浏览
0 赞好
0 留言
飲品方面,原來為咗配合今次嘅主題,餐廳一共推出咗 4 款特色飲品,每款都印有小丸子角色,非常精美!我哋揀咗花輪玫瑰咖啡拿鐵 ($38) 同爺爺抹茶歐蕾 ($38),前者飲落帶陣陣玫瑰花香,味道誘人;而後者雖帶點微苦,但亦甜度適中,入口有奶香。杯上印有小丸子角色,飲完清洗後仲可以帶回家留念添!
0 浏览
0 赞好
0 留言
友人係小丸子粉絲,當然無錯過餐廳推出的精品同零食,今次真係滿載而歸。
(以上食记乃用户个人意见 , 并不代表OpenRice之观点。)
张贴
评分
味道
环境
服务
卫生
抵食
用餐日期
2018-11-21
用餐途径
堂食
人均消费
$226 (晚餐)