茶木‧台式休閒餐廳 (MegaBox) (已結業)

豬三寶拌麵雖叫「三寶」，但其實一個拌麵有齊豬大腸、豬腩肉、豬耳片、豬紅、滷水蛋同豆腐，全部以台式滷水烹煮，配上煙韌有口感嘅麵條非常滋味！如果份量再多少少男仔食會更好！紅燒牛肉麵牛肉麵相信係「茶木」云云選擇中最紮實嘅出品。牛肉煮得夠淋而且入味，湯頭濃郁但無油膩感，配以適量蔬菜搭配，每次食都永不失望。黑糖珍珠鮮奶瀑布食台灣嘢當然要配番杯台式特飲，首選黑糖珍珠類。黑糖煮得夠香唔怕膩，珍珠亦都爽口彈牙，配埋鮮奶三者比例完美。紫薯奶蓋可能本身對「奶蓋」過份期望，導致對呢本基本出品有少少落差。不過紫薯味道豐富得嚟唔會太甜，但如果奶蓋更香更濃一定會令人更加難忘。