茶木‧台式休閒餐廳 (已結業)

今日行開旺角，見到茶木有新活動，見佢幾得意，又有小丸子主題，我同朋友就決定去旺角瓊華中心嗰間茶木打下卡。一上到去，成間茶木都有好好佈置，好多打卡位，就例如花倫同學，小丸子的紙板公仔。影完相，就擺位睇menu，個個都好過癮，有埋爺爺個樣。最終我地決定叫左花倫皇子元貝炸蝦飯，義式辣茄醬牛柳絲燉飯鍋，飲品就叫左花倫玫瑰拿鐵同埋爺爺抹菜歐蕾，甜品就叫左小丸子心太軟。先講下個飲品，抹茶咁濃，帶點奶味令口感更滑，而拿鐵就口咁香滑，兩杯飲品外觀都好討好。主食方面，元貝夠厚身，炸蝦鬆脆，仲有配特色醬汁，不錯。而牛柳絲燉飯更是出色，帶有少少辣味，好開胃又惹味。最後個甜品每碟都係即整，令甜品更脆，心太軟綠茶味濃郁，賣相非常靚，印有小丸子同花倫同學的樣，碟碟賣相都好好睇，味道唔錯又可以扼like.等野食個陣仲又自家出的小丸子漫畫，適合一家大細去食。