茶木‧台式休閒餐廳 (已結業)

老友見到茶木Menu多左不少新菜式，提議不如試新菜，我又無乜所謂，所以就由佢話事！老友揀左微辣手工拌麵，麵條辣辣地，味道可以，但比較硬，而牛筋燜得腍，牛肉略嫌太韌，麻辣鴨血入味，整體不過不失！點多個香芒百香果大蝦起司手作麵諗住飽肚啲，味道酸甜開胃，但不太合我口味，反而老友就覺得還好！我想食小炒，老友點左沙茶玉藕帶骨小牛排俾我，呢道菜幾合我心意，炒得幾惹味！另外點了飲品，草莓櫻姫及雲頂咖啡！草莓櫻姬係士多啤梨冰沙，酸甜清新，幾好飲；雲頂咖啡係奶蓋咖啡，朋友覺得少少甜，味道ok！甜品揀了抹茶紅豆奶蓋岩漿蛋糕，但味道一般！餐廳裝修花心思，環境及座位寬敞，與朋友邊食邊傾計都幾舒服，係聚會好地方！