茶匠 (太安樓) (已結業)

第一次黎太安樓，見到有黃店當然要試下！佢嘅服務態度方面：正正常常，算唔差。環境方面：見到有應援進行中，同埋見到佢地可以自取新年靚靚揮春同埋日曆，係真係免費送架！呢一點真係十分好！價格方面：有平有貴，最平20，最貴40up。我就試左一杯佢地嘅特飲，阿華田雪沙。飲品方面：其他我唔知啦，但係阿華田雪沙真係好好飲！而且得太安樓茶匠先有架！阿華田有復古香港嘅意味，呢杯放置喺太安樓裡面，令到呢杯飲品好襯太安樓，好有港式味道。而且佢地仲會幫我喺杯面畫出一個心❤️心❤️出黎，店員真係好有心思黃店就梗係要撐佢！