影片
更多
2022-01-04
373 浏览
榮記茶餐室@ 2021年12月 (假期前夕晚餐）食物 ❤️❤️❤🤍🤍（有煲仔飯/ 麵/ 茶仔餐） 環境 ❤️❤❤🤍🤍（茶仔）服務 ❤️❤️❤🤍🤍（正常）攞位 ❤️❤️❤🤍🤍（直入）交通 ❤❤🤍🤍🤍（荷里活廣場經鳳德邨行去18分鐘左右）翻兜 ❤️❤️❤🤍🤍平日多數去食西餐同咖啡店，今次發掘新地方之餘，又試埋新口味。呢間茶仔其中一樣特色食物係沙爹+煲仔+麵，仲話係沙爹中嘅expresso（同咖啡不謀而合😆)，當然要試試。1️⃣ 沙爹牛肉煲仔公仔麵 $682️⃣ 沙爹雞扒煲仔公仔麵 $683️⃣ 可樂 $9煲仔麵上枱後，先會打開蓋，如同食煲仔飯嘅體驗，所以定價$68都跟返煲仔飯價錢，一啲都唔係一般嘅茶仔沙爹牛麵價錢。我本身好少食辣野，呢個沙爹對我嚟講的確辣咗啲，但係都完成到😅雞扒麵上枱時，湯唔太多，影完相，發現麵同醬有啲漿住，所以味道係好濃烈。不過，我唔識講係咪好濃沙爹味，只可以話食到尾，見到好多辣油同花生醬類似嘅嘢喺碗底😵💫當然，比起其他只喺麵上放2茶匙現成沙爹醬，呢個係用心製作。👍🏻 牛肉用上鮮牛肉片，幾嫩滑👎🏻 雞扒乾曬，唔熱，估計係大批量煎好備用，下次一定唔會叫如果翻兜，我會試下煲仔飯囉。溫馨提示1️⃣ 要留意供應
食物 ❤️❤️❤🤍🤍（有煲仔飯/ 麵/ 茶仔餐）
環境 ❤️❤❤🤍🤍（茶仔）
服務 ❤️❤️❤🤍🤍（正常）
攞位 ❤️❤️❤🤍🤍（直入）
交通 ❤❤🤍🤍🤍（荷里活廣場經鳳德邨行去18分鐘左右）
翻兜 ❤️❤️❤🤍🤍
平日多數去食西餐同咖啡店，今次發掘新地方之餘，又試埋新口味。呢間茶仔其中一樣特色食物係沙爹+煲仔+麵，仲話係沙爹中嘅expresso（同咖啡不謀而合😆)，當然要試試。
1️⃣ 沙爹牛肉煲仔公仔麵 $68
2️⃣ 沙爹雞扒煲仔公仔麵 $68
3️⃣ 可樂 $9
煲仔麵上枱後，先會打開蓋，如同食煲仔飯嘅體驗，所以定價$68都跟返煲仔飯價錢，一啲都唔係一般嘅茶仔沙爹牛麵價錢。
我本身好少食辣野，呢個沙爹對我嚟講的確辣咗啲，但係都完成到😅
雞扒麵上枱時，湯唔太多，影完相，發現麵同醬有啲漿住，所以味道係好濃烈。不過，我唔識講係咪好濃沙爹味，只可以話食到尾，見到好多辣油同花生醬類似嘅嘢喺碗底😵💫當然，比起其他只喺麵上放2茶匙現成沙爹醬，呢個係用心製作。
👍🏻 牛肉用上鮮牛肉片，幾嫩滑
👎🏻 雞扒乾曬，唔熱，估計係大批量煎好備用，下次一定唔會叫
如果翻兜，我會試下煲仔飯囉。
沙爹牛肉煲仔公仔麵
$68
36 浏览
0 赞好
0 留言
沙爹雞扒煲仔公仔麵
$68
19 浏览
0 赞好
0 留言
沙爹雞扒煲仔公仔麵
$68
47 浏览
1 赞好
0 留言
溫馨提示
1️⃣ 要留意供應時間：佢哋早上6:30開，但係煲仔麵好似話要早上11點後先供應，煲仔飯要等到下午5點。星期日及公眾假期收下午6點。
2️⃣ 我聽到侍應問隔離枱要唔要圍裙墊住。好似返咗「鄉下」咁。
3️⃣ 可能啲沙爹對我嚟講太辣，返到屋企肚痛咗成晚🤢，唔食開辣嘅朋友要留意😩最好同share嚟食或者轉食煲仔飯。
餐牌
免責聲明：上述純粹個人觀察/ 經驗/ 體驗/ 👀👂👅👃🏻/ 感受。只供參考。如有雷同，實屬巧合。
张贴
