影片
更多
2017-09-18
980 浏览
今日(17/9)英超大戰，準時20:30 車路士 對 阿仙奴，作為球迷嘅我當然唔會走雞，約埋老友一齊睇波。尖東噴水池嗰邊啲酒吧好熱鬧，好多球迷準備就諸。我都想join埋一份，但朋友話今日室外好熱，又多球迷食煙，所以再四圍搵下有咩室內酒吧睇波，嚟到寶勒巷，見到呢間酒吧有呢個牌 - 熟識嘅英超logo︰問一吓店員有冇播波，佢地話有，加上冷氣充足，即刻就入左嚟!7:50pm入座，店員提醒我哋8點之前係Happy Hour， Order啤酒、Cocktail 、Mocktail等都有七折……大熱天時好想飲Smoothie，但今日部機壞左，冇Smoothie提供。唯有改叫兩杯Mocktail︰左︰ Virgin Colada 正價$68(Happy Hour有七折) Coconut Milk、Milk、Pineapple Juice、Syrup椰奶配菠蘿汁，兩種味道好平衡，雖然有落糖漿，但甜度低，味道香滑香甜。右︰ Perfect Match 正價$68(Happy Hour有七折) Lime Juice、Grapefruit Juice、Cranberry Juice、Sprite青檸汁、西柚
問一吓店員有冇播波，佢地話有，加上冷氣充足，即刻就入左嚟!
7:50pm入座，店員提醒我哋8點之前係Happy Hour， Order啤酒、Cocktail 、Mocktail等都有七折……大熱天時好想飲Smoothie，但今日部機壞左，冇Smoothie提供。唯有改叫兩杯Mocktail︰
左︰ Virgin Colada 正價$68(Happy Hour有七折) Coconut Milk、Milk、Pineapple Juice、Syrup
椰奶配菠蘿汁，兩種味道好平衡，雖然有落糖漿，但甜度低，味道香滑香甜。
右︰ Perfect Match 正價$68(Happy Hour有七折) Lime Juice、Grapefruit Juice、Cranberry Juice、Sprite
青檸汁、西柚汁、紅莓汁、雪碧四種味道加埋，酸酸甜甜，感覺清新。
又叫左一個意粉一個牛扒share食。
泰式冬蔭功軟殼蟹忌廉扁意大利粉$138
軟殼蟹係成隻上，好足料。
仲要可以左右兩邊拼返成隻出嚟，大啖大啖食夠晒滿足。味道方面都幾濃郁。
意粉酸辣味適中， 辣度啱啱好，好香口。酸味辣味一齊刺激味蕾，所以食起嚟特別開胃。
瀑布芝士配紐西蘭肉眼牛扒$248上菜嗰陣，店員將仲喺煎PAN入面熱辣辣嘅半溶芝士鋪喺牛扒面頭。
芝士拉絲可以長成咁，所以就叫做瀑布芝士
主角當然係牛扒，5成熟出到嚟肉質粉嫩軟腍，牛味濃郁，點上燒汁非常好味道。
食完啱啱好開波，賽事好激烈
半場休息時間又有啲口痕，叫左個小食 - 燒原隻北海道魷魚$85
魷魚好大隻，上面應該係孜然粉，食落好惹味。
魷魚肉質爽彈但唔靭，食落唔需要用力咬或者咬好耐，所以咁好食好快就食晒。
賽事完場，兩隊都唔叻，打和啦~SUPER，埋單走人! 埋單前，店員提醒每晚10點後入座，每人嗌杯$45以上飲品，就可以$2/隻任嗌雞翼同$5/隻吉列炸蠔，雞翼仲可以揀：脆脆雞翼、土匪雞翼、冬蔭功雞翼! 好抵呀! 不過今晚唔想睇曼聯，留待下次再嚟睇波食雞翼。
张贴
