📍熊大話要去攞兄弟服👔，上次陪熊大度身的時候已經留意到呢間極級懷舊的《中國冰室》，茶記忠實粉絲的熊大表示唔去唔得，熊妹就當然奉陪到底。
📍懷舊冰室📽，裝潢完全保留著昔日香港冰室風味📻，白吊扇🎐，高背卡座，人手計數收銀台🏦，老一輩可以黎懷緬一下，後生一輩又可以黎感受一下昔日香港情懷⌛️。
📍冰室分上下兩層，4點🕓黎到都唔少人，全部都係街坊街里，真係好棒場。🎊
📍樓上雅座有高背卡位💺同長型大枱，十足十以前食大茶飯講數的情景，難怪很多電影🎬好似《PTU》，《新不了情》作景餐廳。
📍餐牌設計📋都非常簡潔，字型大大隻，款式唔太多，主要係多士、常餐、粉麵及飲品，其中小食以咖央多士，炸脾薯條頗為著名。
咖央多士，$11📍招牌小食點可以唔試下呢？
兩片薄薄的白麵包，切邊，烘得脆脆的，內饀搽上一層甜椰椰的咖央醬，連邊緣都搽得🈵🈵的，務求吃每一口多士都有佔上咖央醬，一啲都唔吝嗇，好有街坊人情味，而且價錢又便宜，果然係
招牌下午茶之選。
熱奶茶📍來到冰室要試出冰室的功架當然莫過於奶茶☕️，仲要係熱的沖法先能一較高下。😎
好唔錯，🍵茶味濃，🥛牛奶味出，又沖淡返茶的苦澀味，奶撞熱茶的味道就係咁形成出香港式奶茶，果然係老字號，好難得係今時今日仲飲得返舊時傳統的味道，難怪熊大咁鐘情冰室。
雞脾薯條，$36📍先點個皇牌小食餐炸雞脾薯條。
標榜生炸雞脾🍗，就即係即叫即炸生雞脾，炸到熟透到止，唔係千年返炸再返炸。💥生炸到金黃色上碟，大大一隻🐥，絕無炸粉，係真材實料的雞脾肉。
唔係好多調味，肉質唔算太嫩，都係要靠點茄汁🥫好味啲
，雞皮被炸到好薄一塊，熊大最愛連雞皮食，熊大最愛肥。薯條🍟份量唔係好多，墊係雞脾下面，食落就知明顯係雪藏薯條，點茄汁食，無咩特別。
公司燴意粉，$53📍熊大一常未食晏，點都要叫返個正餐。
唔係好多地方有呢款傳統茶記的菜式公司燴意粉，熊大一定唔放過。
📍「公司」就係雜不甩咩即食肉🐷都有，腸仔、午餐肉，火腿、叉燒、蛋等等，份量多方便上班族在忙於工作時🗃留係「公司」填飽肚子而名明的。
公司燴意粉就係「公司」材料以茄汁燴上意粉。茶記的意粉🍝一般都唔會係西餐個種的彈牙，因為多數煮好一大煲，有order就上碟，所以係淋身的，熊妹都唔會期望食到最愛的7分鐘熟度。
茄汁🥫份量超多，撈極都仲有，有汁撈味道一定唔會差。份量夠大碟，材料夠多，完全符🈴「公司」要求。
📍非常懷舊🎞的一餐民間美食，除了味道傳統外，還有那份悠久的街坊情懷。
