喵一下 (已搬遷) 新店位置

先講環境，如果係黎坐下睇下書真係滿分，又舒服又好坐，同朋友傾下計一個下午好快過。飲咗杯叫漫杯雲端嘅沙冰，好明顯叫黎係因為佢靚所以飲上黎一般都可以接受。仲叫咗個鹽水雞，都係一般般。之後係度食埋晚餐，我叫咗個醉雞涼麵，朋友叫咗個麻醬麵。佢個麵麻醬過多，咸到要浸落湯先食到。到我個醉雞涼麵，一上黎係咁嘅。係咪睇落好豐富好吸引？仲感住今次無死，試咗一啖麵覺得唔對路，個麵無咩味，得少少酒味咁…咁我再試下重頭戲個醉雞啦，一食——今次中伏了！苦過dd呀！啲雞肉得酒味！除咗酒嘅苦味係無其他味嫁！我仲懷疑係咪我見識少，不動聲色比咗舊我朋友試，都係同樣覺得苦到難以入口！最後我頂硬上食咗幾啖麵2舊雞，而我分享比我朋友舊雞，佢連一舊都食唔完，兩啖就放棄咗。最後我諗住一陣要食咩咁走。講真個環境真係一流，去hea好舒服，但啲嘢食唔改善下，真係唔得。