HeSheEat以前係主打甜品，估唔到而家有意粉、漢堡、全日早餐等等，可以正餐甜品一次過解決
我哋今晚冇食set dinner，食咗個happy Together Brunch!
呢個份量十足嘅Brunch，真係見到都開心
材料非常豐富，有煙三文魚、煙肉、炒滑蛋、腸仔、巴馬火腿、牛油果醬、薯仔沙律等等！ 色香味俱全
滑蛋真係好滑～
牛油果醬都好正，放入牛角包入面食一流！
沙律菜亦好新鮮，清新爽口，撈埋酸酸地嘅沙律汁好夾。
之後要咗個雞翼同埋Ribs。
蜜糖芥末雞翼係推介，炸得香脆好味，蜜糖芥末漿汁幾香。
Ribs味道比較濃郁，一份有六支骨，算係好抵食！
之後就到甜品環節。
我哋要咗宇治金時Hotcake
Hotcake 蛋香十足，口感鬆軟，點埋黑糖一齊食真係好好食
生活太苦澀，真係要食下甜品開心下。
