影片
更多
2022-04-04
24 浏览
Bookmark左尼間少女花花cafe 好耐，餐廳意向係支持社會共融🤝，為有志向投身餐飲業既殘障/更新人士提供工作機會🧡本著善良為少女們精心提供美食🍰同設計好多打卡位📸，適合weekend 同姊妹👭🏼一齊去嘆下，盡情同花花牆打卡，享用美點，放鬆身心，仿如去趟小旅行。早前係IG 已經預訂好下午茶set，到步後，店員隨即為我地介紹下午茶同飲品🍹，三層架tea set 鋪滿乾花同食用紙花🌸/蝴蝶🦋，睇見個心已經自動軟化同著迷💓 店員好友善幫我地影相🧏🏻♀️頂層（左至右）：❀ 朱古力&檸檬馬卡龍：外層微脆、略帶煙靭，兩個口味都屬少甜，入口味道濃郁而利落❀ 咖啡蛋糕：薄片既蛋糕包香濃既咖啡味道☕️，配搭金箔同榛子醬，精緻但略甜，想要少甜可以撥開少少榛子醬❀ 紅莓小蛋糕：一啖入口既小蛋糕有紅莓同豐富既紅莓醬，夾著薄片白朱古力，味道酸甜，以柔軟既蛋糕配搭，口感好有層次中層（左至右）：❀ 菠菜酥：酥皮做得好鬆化，咬落感受到一層一層，菠菜咸咸地，非常起到調味作用，好想買多兩個返屋企食❀ 牛油果大蝦撻：柔滑既牛油果醬幾清新，上面有爽口大蝦🍤，撻既牛油🧈輕盈，喜歡💕❀ 越式米紙卷：少見既tea set 配搭，
早前係IG 已經預訂好下午茶set，到步後，店員隨即為我地介紹下午茶同飲品🍹，三層架tea set 鋪滿乾花同食用紙花🌸/蝴蝶🦋，睇見個心已經自動軟化同著迷💓 店員好友善幫我地影相🧏🏻♀️
頂層（左至右）：
❀ 朱古力&檸檬馬卡龍：外層微脆、略帶煙靭，兩個口味都屬少甜，入口味道濃郁而利落
❀ 咖啡蛋糕：薄片既蛋糕包香濃既咖啡味道☕️，配搭金箔同榛子醬，精緻但略甜，想要少甜可以撥開少少榛子醬
❀ 紅莓小蛋糕：一啖入口既小蛋糕有紅莓同豐富既紅莓醬，夾著薄片白朱古力，味道酸甜，以柔軟既蛋糕配搭，口感好有層次
中層（左至右）：
❀ 菠菜酥：酥皮做得好鬆化，咬落感受到一層一層，菠菜咸咸地，非常起到調味作用，好想買多兩個返屋企食
❀ 牛油果大蝦撻：柔滑既牛油果醬幾清新，上面有爽口大蝦🍤，撻既牛油🧈輕盈，喜歡💕
❀ 越式米紙卷：少見既tea set 配搭，裡面用黃瓜、青瓜🥒、黑椒札肉配檬粉，味道酸酸甜甜。另可加配越式醬汁，效果好開胃；幾大份，但我都食得落😂
底層（左至右）：
❀ 三文魚多士：係我好鍾意脆卜卜口感，以忌廉同香草配三文魚，好似一個迷你版既西餐fine dine，無論味道同香味都係冇得輸既配搭
❀ 手工鬆餅：由店員每日親手製作，外層似曲奇🍪般香脆，有烘烤香味同口感，內層有鬆餅既軟綿；果醬亦係新鮮野莓製成，好有誠意，係食過幾特別既鬆餅
飲品：
❀ 小熊粒粒草莓奶昔：用草莓粒粒配奶昔，上面既小熊🐻冰粒極可愛，奶味香濃，帶有淡淡既草莓香甜🍓，打卡必備😂
❀ 旺旺桃花玫瑰花畫茶🌸：以復古茶具裝著玫瑰花茶，清香解膩；配襯蝶豆花同桃花，係杯裡形成靚靚復古圖畫，盡是視覺享受
整體我都幾鍾意尼個tea set ，份量剛好，鹹點為主，配搭既甜點大部分都少甜健康，對身體冇負擔。雖然當日餐廳只有3位店員，但店員動作靈活，忙而不亂，招呼客人從容，睇得出係用心經營既餐廳
张贴
