就是偏偏喜歡你 (已搬遷) 新店位置

今日去左銅鑼灣一間超適合打卡嘅餐廳，就好似走進花花世界一樣，由門口就充滿花花，入到餐廳嘅佈置、茶壺、連紙巾都係花花，而且仲有店主愛竉兔仔相相走黎走去超可愛，食飯嘅環境超舒服，食物都做得好出色，。鮮大蝦龍蝦汁米意粉 $188米意粉嘅口感絕佳，米意粉煮得恰到好處，彈性十足。大蝦起碼有5-6隻，大隻彈牙而且新鮮鮮嫩，同濃稠嘅龍蝦汁完美融合，帶來豐富海鮮風味。明太子雞翼 $58明太子雞翼外皮酥脆，內部肉質嫩滑多汁。而明太子醬係靈魂所在，鮮辣又濃郁，同雞翼完美融合。黑松露薯條 $68薯條同黑松露醬都用上心心碟襯托餐廳嘅主題，薯條即炸又熱又勁香脆，微凍嘅黑松露相當重黑松露，夾埋一齊食冰火二重天咁超正。美人洛神花畫茶 $68（洛神花,墨红玫瑰，陳皮，桂圓）茶壺設計特別係上壼下杯，茶具有洛神花酸甜嘅味，亦有墨紅玫瑰嘅花香，加上陳皮桂圓非常清甜。