White Hse. (已結業)

好耐無去過樓上cafe 食飯，以前好鍾意放學上樓上Cafe打躉。唔到7點唔返屋企！😝今次再去返樓上Cafe有另一番體會，首先間舖頭嘅裝修以花花為主。好適合少女或者啱啱認識女朋友嘅人一齊去。嘢食方面主打唔同口味嘅意粉。我今次就試咗韓式泡菜鴨胸炒蝴蝶粉，如果鍾意食泡菜嘅呢個都可以一試味道唔會太濃我。泡菜味都幾突出。另外一款意粉就係來自地獄的意粉。佢本身係辣嘅有少少麻辣味道，如果鍾意食辣嘅一定會鍾意。我本身就唔係食得太辣所以覺得有啲太辣，不過我朋友鍾意食辣嘅就話覺得好好食同個味道好特別。