就是偏偏喜歡你 (已搬遷) 新店位置

銅鑼灣呢間花花餐廳好出名，今日難得過海黎到一於試下。電梯一上到，就已經被滿滿花海吸引，入到店內，地方寬敞，打卡位好多，連枱上每一杯一碟都係花花設計，好用心。老闆同店員都好熱情友善，不停主動幫我地影相。而且店內更有兔兔蹤影，等緊野食時可以同兔兔玩下。🫕南瓜湯🫕好creamy綿滑，灑上花瓣更添美感，靚到唔捨得飲。🐷招牌慢煮10小時豬肋骨🐷豬肋骨有4大條，大過人塊面，而且每條骨都有好多肉，食肉獸都絕對夠食。更講明唔用鬆肉粉，食落真係好鬆軟彈牙，用餐刀都切得開，醬汁酸酸甜甜，濃郁惹味，個底仲鋪滿薯條同沙律菜，好抵食。🍔菠蘿照燒雞扒黑碳漢堡🍔漢堡好鬆軟，雞扒鮮嫩多汁，菠蘿烤過酸酸甜甜好開胃，配上蕃茄生菜同酸酸甜甜醬汁，口感豐富，食到停唔到口。🍰熔岩石山（綠茶紅豆味）🍰甜品一上碟，綠茶醬已經不停彈下彈下，一切開真係好似熔岩咁流哂出黎，厚多士中間揸滿紅豆，有口感之餘更帶微甜，同茶味濃郁綠茶醬完美配搭。🍹金金菠蘿熱情果梳打🍹🍹冰藍薄荷梳打🍹夠哂清涼，果肉滿滿，酸中帶甜，打卡一流仲可以增加食慾。評語店員好熱情、友善、好客食物質素高環境打卡一流，少女心爆發🐵推介🍌🍌🍌🍌🍌（5🍌為滿分）📌 就是偏偏喜歡你地