漫花燈火 OMG (已結業)

今日終於嚟咗依間充滿少女心嘅餐廳，鋪頭衛生做得唔錯，有幫我地量體溫仲有消毒濕紙巾提供。一入到去非常光猛，有一種好新鮮嘅感覺，好似走咗入一個童話入面。每個人都忍唔住攞部手機出嚟影相打卡😜首先黑松露帶子意粉，帶子幾好食，大粒又鮮甜，黑松露味很突出，但意粉較硬身。再嚟就係依個辣味大蝦意粉，呢個意粉冇乜特色，太過辣，不過賣相都幾靚，打卡一流，蝦肉都可以接受。跟住就係依個黃金蟹肉意粉，意粉同之前嗰幾碟一樣，完全用同一碟意粉，配料也一樣都係蘆筍同雜菇。但蟹肉幾出色。呢個黑松露芝士薯條最值得推介，非常大份，抵食之選，唔會太鹹，薯條都幾香脆。總括而言，都值得推介，可以一試，建議大家中午嚟，有陽光之下影相會再靚啲。