前幾日同女友九點後去打邊爐,侍應極力推薦[花膠魚肚湯底]$6 5元,點知先黎一煲有薑片既茶色湯,花膠同魚肚就另外上,我唔明點解唔預早煲好先拎俾客,個薑片茶色湯底好似豉油開咁,冇葯材味道又唔好飲,要自己將花膠魚肚放入煲內,仲要等好耐先至煲得出些少味,我覺得真係好搵笨同唔抵囉。大家去呢度打邊爐千祈唔好試,要番鴛鴦湯底或清湯底仲正呀!同旺角舊雅蘭中心果間冇得比,人地果煲[花膠螺頭煲老雞湯底],凈係啖湯聞到已經引到流口水,飲落口仲正呀...都係$68元,都唔明點解間間[稻香]生意手法都唔同???
以上食记乃用户个人意见 , 并不代表OpenRice之观点。
赞好
人均消费
$80
