麗島小廚 (已結業)

今晚幫襯麗島小廚真係超多人，好彩預早Book定位先如果唔係實有排等。今晚唔食麻辣雞煲改為試吓新野，叫咗花膠蟲草花雞煲試一試，我地兩個人要了半隻雞，都幾好味幾清甜，以後唔想食辣雞煲除了叫椰子雞煲之外仲可以叫呢個。D雞好新鮮好有雞味，另外值得一讚係個湯真係好飲，飲左兩碗先食D雞。其他配料仲叫了韭菜餃、蜂巢豆腐、墨魚滑、粉絲同菜。佢個韭菜餃真係好食，應該係自己包嘅，如果唔係好難咁新鮮而且又無雪味。墨魚滑好彈牙，一份有兩條好抵食。蜂巢豆腐用黎食雞煲真係無敵，因為吸晒個花膠蟲草花雞湯D味，好好食。今晚唔食烏冬改食粉絲。菜都夠新鮮，真係幾好。