任點美食

門口好唔起眼，越來越多人排隊先留意到佢， 原來係有花膠嘅車仔麵！

餐牌上好多餸都非常吸引，平時食嘅豬皮魚蛋當然有，但吸引我嘅除左花膠仲有糖心蛋， 豬軟骨，鮮蝦卷。 最後揀左菜+花膠+紅蔥午餐肉， 真心驚喜！ 午餐肉煎香左好好味， 唔肥！朋友點糖心蛋， 話味道很濃， 好食過一般拉麵店嘅出品，下次試試。

另一重點係各種餸無分價錢， 三餸麵$43 (凍飲+$2) 有嘢飲, 喺灣仔算抵！