秋滋味館 (已結業)

花膠同桃膠做主打既餐廳好少有，估唔到咁高質！

咁岩去開荃灣，經過兩間豆腐花店，轉右就見到呢間小店。除左花膠，仲有鮮茄豬潤米線、四川麻辣米線等。四川麻辣米線配料十足，又豬紅又盛，好似好正，可惜唔食得辣😞

講返正題，平時去飲宴食既花膠都整到溶溶爛爛又無味，呢間既花膠整得好正！有少少咬口煙韌，又入味！💕

點左個碗仔翅，好足料，花膠份量十足，冬菇厚肉軟綿，好好味。可能為左辟腥，胡椒味較重，落醋就平衡返☺️

仲點左個花膠冬菇濃湯米線。湯底好正！

有誠意既小店👏🏻下次試埋桃膠先！