時代冰室 (崇齡街) (已結業)

新蒲崗開左時代冰室， 入面裝修帶住懷舊既感覺。而我就係俾貼係出面既花膠雞湯飯吸引左入去。呢個餐唔想要飯的話可以免費轉做烏冬。平時出面既餐廳轉烏冬都要加錢，下次試下呢度既烏冬先！呢個湯飯，可能係湯碗唔夠大既原因， 所以湯同飯係分開上既。望落覺得非常之豐富， 除左有花膠同雞件，仲有鮑魚，素翅，蟲草花，冬菇，菜等等既食材。雞一d都唔老，花膠冬菇都幾厚架。一邊食就一邊覺得自己好養生咁。至於個湯， 一開始飲嘅時候都覺得味道岩岩好，但食到後期就覺得有d咸。最後，我係食唔晒d飯， 早知就叫少飯啦可以減一蚊架！65蚊既花膠湯飯仲有例湯同餐飲， 食完俾我既感覺係我一肚水啦！