寶貝靚湯 (已結業)

灣仔其實愈黎愈多好野食，係利東街附近發現有靚湯飲!我同朋友試左個二人餐，每味都好足料真係捧住個胃走。先黎每人一盅燉湯係花膠螺頭瑤柱准杞瘦肉雞湯，真係女士最愛，因為超多花膠!!骨膠原非常豐富呀!湯好清甜好飲!套餐中有三款海鮮，蝦超新鮮同鮮甜，果皮蒸鮑魚大大隻，仲有比較特別嘅貴妃蚌用上XO醬蒜蓉，老闆選用素翅配搭，好驚喜。另外主菜仲有個花膠雞，花膠多得很，花膠迷真心要黎食，剩食花膠都好抵哂。加埋店員細心嘅服務同埋老闆嘅招待，真係覺得過90 分！星期一至六每日都有不同靚湯飲，$228 有5壺，$448 有10壺!灣仔區嘅OL們街坊們夠哂方便!