影片
更多
2021-07-31
97 浏览
有日晏晝同男朋友行過佢中學嘅地頭🏫，夜晚就去咗紅磡舊區入面嘅一個新商場，位置比較隱世，入面竟然有一間日本嘢食🏯。店面走木質設計，有唔少日式裝飾🎏，仲有唔少店家收藏嘅玩具，都幾有feel。當晚十分肚餓，最後叫咗超多嘢食，整體日式食物嘅質素都唔錯。🍲至尊牛肉鍋 $98呢到嘅鍋物有好多湯底選擇，包括豬骨、鰹魚、番茄、麵豉、辛辣同壽喜燒。鍾意壽喜燒嘅我當然毫不猶豫揀好湯底，再加咗$28升級做定食。呢個牛肉鍋材料豐富，除咗有唔少美國嫩滑牛肩胛🐄之外，仲有娃娃菜、金菇、冬菇、蘿蔔、芋絲、豆腐等，湯底鹹淡適中，都算幾抵食。定食方面加多咗個🐈貓飯、麵豉湯、中華沙律同田園沙律，其他配菜都味道不錯。今次先知道原來貓飯係一種日式傳統料理，將牛油、柴魚片同醬油拌勻喺白飯入面。牛油味🧈特別突出，但稍微有少少過鹹，配搭壽喜燒湯汁一齊食會更好。👅評分：9/10🐙白爪魚燒餅 $58柴魚片+紫菜碎+蛋黃醬完全係日式風味嘅精髓🎌，呢個白爪魚燒餅估唔到咁大份，食到勁飽。口感同味道都同大阪燒好似，入面有啲白爪魚粒粒，口感幾爽脆。👅評分：8/10🦀芝士通粉釀蟹蓋 $38呢個蟹蓋送上檯時傳來一陣焦香味，雖然份量比想像中細，但入面
🍲至尊牛肉鍋 $98
呢到嘅鍋物有好多湯底選擇，包括豬骨、鰹魚、番茄、麵豉、辛辣同壽喜燒。鍾意壽喜燒嘅我當然毫不猶豫揀好湯底，再加咗$28升級做定食。呢個牛肉鍋材料豐富，除咗有唔少美國嫩滑牛肩胛🐄之外，仲有娃娃菜、金菇、冬菇、蘿蔔、芋絲、豆腐等，湯底鹹淡適中，都算幾抵食。定食方面加多咗個🐈貓飯、麵豉湯、中華沙律同田園沙律，其他配菜都味道不錯。今次先知道原來貓飯係一種日式傳統料理，將牛油、柴魚片同醬油拌勻喺白飯入面。牛油味🧈特別突出，但稍微有少少過鹹，配搭壽喜燒湯汁一齊食會更好。
👅評分：9/10
🐙白爪魚燒餅 $58
柴魚片+紫菜碎+蛋黃醬完全係日式風味嘅精髓🎌，呢個白爪魚燒餅估唔到咁大份，食到勁飽。口感同味道都同大阪燒好似，入面有啲白爪魚粒粒，口感幾爽脆。
👅評分：8/10
🦀芝士通粉釀蟹蓋 $38
呢個蟹蓋送上檯時傳來一陣焦香味，雖然份量比想像中細，但入面啲料塞得密密麻麻。面頭鋪咗一層芝士🧀，入面係平時食開嘅芝士通粉，中間夾雜些少蟹肉，味道幾特別。
👅評分：7.5/10
🥠可樂餅 $28 for 2
成晚最有驚喜竟然係呢個可樂餅，味道有洋蔥、紫芋甘粟、南瓜、芝士同牛肉，我哋就揀咗南瓜🎃同芝士🧀。可樂餅即叫即炸，外皮薄得嚟又超級酥脆，兩款餡料都係十分軟糯，芝士餡更加滑順，南瓜餡就有更香濃嘅香甜味。熱辣辣嘅可樂餅真係超好味，兩款都咁高質，搞到我哋都好想試埋其他口味😋。
👅評分：9.5/10
张贴
