花羨沐嵐

营业中

休息中

今日做野關係，又黎到大角咀奧海城，心痕又想飲番杯野飲，又見到佢啦(花羨沐嵐)。花羨沐嵐 - 繼續推介黑龍波霸奶蓋及火龍波霸奶蓋。香港人最鍾意試新野，所以他們都會有新款飲品推介 - 芋頭純牛奶 (香韻四溢、單純無添、濃郁口感），要推介我個芋頭控朋友飲先得。跟其他分店一樣，有個照燈影相位。🤗飲品種類以：原生茶、鮮果茶、濃醇奶、奶蓋大師、招牌奶、秋冬暖心為主。店員態度認真、有禮；且用心調校每一杯飲品。火龍波霸奶蓋 - $32黑糖珍珠鮮奶加焦糖在奶蓋表面，然後經過火炙，飲落幾特別！焦糖被炙後脆卜卜，已聞到香溢的焦糖味，略嫌不能全走冰，比較凍一點。而甜度較重，後期飲落已失了焦糖香味。