之前食過呢間韓燒好好味, 好掛住佢既燒牛肋骨, 今次去開銅鑼灣, 一定要回味一下!
今次兩個人點左四樣野:
牛舌
待應小姐好整齊咁將燒好既牛舌放上洋蔥上面, 等你慢慢享用... 啲肉汁不經不覺索晒入個洋蔥度, 嘩! 我急不及待已經想食塊洋蔥囉!
為左佢而黎既牛肋骨
入口軟腍腍, 肉汁又多, 真係好好好好好味!
去骨豬肉
諗住普普通通啦, 點知啲豬肉好滑, 有驚喜!
最後黎多個豆腐海鮮鍋, 都幾好食, 兩隻大蟹腳, 仲有好多好多好多蝦!
加多個白飯埋齋! 嘩! 飽到上心口!
飯後仲送糖水做甜品... 圓滿呀!
今餐好滿意, 唯一要彈既, 就係待應無主動添前菜呀! 下次唔該醒目返啲!
