燈籠滷味 (登龍街) (已結業)

燈籠滷味聽講喺師大夜市好出名，但我就未食過，難得香港有，當然要試吓。佢係寫紙仔形式，好似香港嘅車仔麵咁，有好多款餸俾你揀，然後每款餸同麵去計錢。啲餸嘅選擇都有好多，有少少花多眼亂，乜嘢都想試。貪心嘅我就嗌咗四個餸，滷味嘅有雞腎同蘿蔔，蘿蔔夠入味好食，雞腎唔會好硬，但無咩味，可以唔試。另外叫咗台式貢丸，彈牙，肉味濃有香菇味，好食台式車仔麵點少得甜不辣，分量超多！入口煙煙韌韌甜甜地，本身就無咩味，加埋滷味汁就好正見到好多人推介麵底要王子麵，雖然要額外加錢，但係都試一試。佢係台灣版嘅即食麵，其實冇乜特別，麵質比較稔，似福字麵，超索汁，所以食到最後就會覺得好鹹。我覺得要加錢就唔使特登食嘅。Overall佢個滷水汁都幾濃味偏鹹，所以食完都會有少少口渴。