響 - Hibiki 日本燒肉 (已結業)

#響高質日式放題，🙆🏻‍♀️無論刺身抑或燒肉都好高質素。調味料都應有盡有，💁🏻‍♀️鹽同燒汁係最好食。首先會計人頭，每位有半隻龍蝦🦞。龍蝦大過我隻手掌。😼肉質彈牙，帶點海水味。同平時酒店buffet 既龍蝦一樣。再送上刺身拼盤、肉肉拼盤同名貴既喜之次魚。刺身來講仲好食過平時主要食刺身既放題。😍比想像中鮮甜。連平時容易有腥味既油甘魚都好好食😋無腥味之餘仲有魚味。😚最鮮甜係帶子、甜蝦同海膽。海膽除左鮮甜，😋海膽味仲好濃郁。好有驚喜。🤤雖然海膽無得任食但係都夠晒滿足。喜之次魚，🧐肉質好特別，🙂係比較實同滑身既魚。肉肉拼盤，牛肉都好好食😋。和牛肉眼腍而香。和牛🐮胸腹肉味重而且有咬口。骨肉腸🦴肉味好濃，🤤一致認為係好好食既腸。最新奇係有串燒。😚自己燒既雞軟骨再落鹽調味，簡直係大師級水準。炸物即叫即炸，🙈等得比較耐但夠哂熱辣辣。芝士年糕煙韌又鹹鹹地，口感好。😝榴槤波波，榴槤味勁重，食完坐喺隔離嗰個都聞到。燒嘢食記得食埋燒菠蘿，🍍可以解肉嘅油膩。其實仲有好多嘢食，🐷不過我哋已經飽哂。最正係dreyer's 甜筒同埋 movepick雪糕🍦都係任食既！正！