花圖 (已結業)

近排太忙，決定食餐好嘢獎勵吓自己，我同朋友嚟咗尖沙咀海洋中心嘅花圖，享受吓靚靚嘅餐廳環境同埋高質嘅二人套餐🩷一入去已經覺得餐廳非常之有質感，裝潢靚到呢🤩頭盤叫咗脆皮和牛配香橙柚子醬，黃牛非常之高質，油脂分佈好好，所以入口即溶，配搭埋酸酸甜甜嘅柚子醬，非常之醒胃🤩另外爵士湯都好驚豔，算係數一數二好好飲，花膠煲到好腍，索晒啲湯嘅精華就好正😋主菜叫咗流沙黃金銀雪魚，份量超級多，而且蛋黃包裹晒啲雪魚，而且雪魚嘅肉質非常之鮮嫩，口感好豐富😚濃湯瑤柱花膠浸菜苗非常之唔錯，湯嘅鹹香適中，而且菜苗煮得好好，唔會過熟，保持都爽口，同時間索晒啲上湯嘅滋味🤟🏻主食叫咗龍蝦膏海膽炒飯，好值得讚係海膽非常之鮮甜，完全又唔會蓋過咗龍蝦醬嘅鮮味，成個炒飯炒到粒粒分明，好有質素😍甜品方面叫咗蜜瓜甘露，蜜瓜味非常之特出，爽口得來又唔會過甜，作為飯後甜品一流😝另外飲品方面都非常之有驚喜，首先杯Bubble Colada造型非常突出，好啱打卡，而且甜甜地幾容易入口；杯So Plum H2O都唔錯，有少少似酸梅湯，但酸味又唔會過重，幾開胃，唔飲酒嘅朋友可以飲呢杯😍