泰聚 (已搬遷) 新店位置

上星期喺花園街尾近界限街食飯，見到一間泰國菜頗熱鬧，一於Date吓朋友一齊試吓。原個西瓜沙冰、夢幻洛神花特飲，吸睛吸客之選，原來沙冰都可以原個西瓜咁上，玩到咁大呀。沙冰味道不錯，不會太甜，而冰也打到很碎到成堆沙咁，下次可以試埋原個菠蘿沙冰。而洛神花特飲，賣相正常，淡淡的洛神花味道，很清新，又解渴開胃，夏天飲，Prefect Match。泰式魚餅，四大件魚餅分成八小半，炸得外皮脆，配上泰式酸辣醬料，除最受歡迎的蝦餅外另一好選擇。泰式鹽燒鮮魚 (盲糟)，魚肚放了泰式香料（香葉、香茅、南薑），魚肉燒得很嫩滑，加淡淡的泰式香料味道和鹽香味，加上魚骨少，怕多骨的我也可安心。粉絲老虎蝦煲，最讚的一道菜，粉絲帶著濃濃的油香和咖哩的味道，大家都不其然的掙住食。食吓食吓，喺最底層發現了一啲異物，睇真啲，原來係幾舊肥豬膏，唔怪得啲粉絲可以咁香。虎蝦的用料也很好，把三隻虎蝦也分為一半，方便大家之餘，又可以充分運用了蝦的味道。泰式炒通菜，由於是泰式的做法，用上魚露炒，雖然味道上會有點點咸，但又有魚露的鮮味，而且通菜還保持脆脆的口感，。椰汁糕，泰式甜品最喜愛的東西，上層椰汁，下層西米加芋頭，雪到凍凍個，。