影片
更多
2022-03-13
11 浏览
呢間位於銅鑼灣充滿少女心既花藝餐廳已經留意左好耐！除左店內最突出既粉紅色花牆外四周圍既擺設亦都充滿美感,原來店內所有花系擺設都係由一位專業既花藝師主理,好有心思.花牆每一日都會以花製成唔同既字,少少微細既位已經feel到餐廳相當有誠意.同時佢地亦係一間提供素食,主以低糖既健康餐餐,所有調味都偏向少甜為主,製作既時候已經以低糖既理念去製作.另一個我覺得最欣賞既餐廳既理念就係共融餐廳,店主會接納身體上有殘缺或更新人仕係餐廳工作及培訓.係餐廳工作既佢地可以根據佢地自身既興趣去選擇工作,希望佢可以係餐廳工作中獲得發展技能既機會.忌廉汁海蝦燴意粉忌廉汁香滑creamy唔會好膩,粗圓管意粉煙膩而且每條都掛上忌廉汁.意粉上灑上少少花瓣令個presentation更靚.海蝦每一隻都好大而且煎香過後蝦味更濃郁,內裏蝦肉彈牙鮮香.泡菜植物肉扒竹炭漢堡以植物肉做既漢堡質感同肉都好相似,入口唔會帶一種好乾柴既口感.配上新鮮蕃茄,生菜及帶點酸辣既泡菜整個口味都幾match而且開胃.竹炭漢堡包烘得好香脆！內外都同樣脆身,每一啖咬落都聽到脆開既聲,好治癒.熔岩石山 有抹茶及朱古力可以選擇,今次揀左朱古力味,送上枱既
同時佢地亦係一間提供素食,主以低糖既健康餐餐,所有調味都偏向少甜為主,製作既時候已經以低糖既理念去製作.
另一個我覺得最欣賞既餐廳既理念就係共融餐廳,店主會接納身體上有殘缺或更新人仕係餐廳工作及培訓.係餐廳工作既佢地可以根據佢地自身既興趣去選擇工作,希望佢可以係餐廳工作中獲得發展技能既機會.
忌廉汁海蝦燴意粉
忌廉汁香滑creamy唔會好膩,粗圓管意粉煙膩而且每條都掛上忌廉汁.意粉上灑上少少花瓣令個presentation更靚.海蝦每一隻都好大而且煎香過後蝦味更濃郁,內裏蝦肉彈牙鮮香.
泡菜植物肉扒竹炭漢堡
以植物肉做既漢堡質感同肉都好相似,入口唔會帶一種好乾柴既口感.配上新鮮蕃茄,生菜及帶點酸辣既泡菜整個口味都幾match而且開胃.竹炭漢堡包烘得好香脆！內外都同樣脆身,每一啖咬落都聽到脆開既聲,好治癒.
熔岩石山
有抹茶及朱古力可以選擇,今次揀左朱古力味,送上枱既時候真係嘩左一聲！多士層好厚身而且多士面上充滿流心既朱古力漿同朱古力粉,切開既一刻朱古力好似瀑布咁流晒出黎浸滿左多士.多士內以榛子漿抹上,令味道更香濃,整體成個配搭好濃朱古力香得黎又唔會過甜,甜道啱啱好,再配埋雪糕個層次感再豐富d.
小熊菠蘿荔枝奶昔
好可愛既飲品,奶昔上放上一隻冰過既小熊好似係奶昔入面浸緊浴咁.熊仔以奶昔整作,所以就算融化左都唔會令奶昔味道減淡.奶昔香滑帶粉藍色,菠蘿荔枝味清新.
蜜糖杞子四菊花畫茶（大金
絲皇菊,金盞菊杭菊,雪菊 杞子，
蜜糖）
以好有美感既茶壺同茶杯送上,而茶壺內以雪菊,杞子及蜜糖做茶底焗香後倒入茶杯內令茶杯內既乾大金絲皇菊及金盞菊杭菊慢慢打開.茶味帶住一陣陣菊花香同蜜糖甜味,入口相當舒服.
张贴
