胡麻菠菜油揚沙律（$88）
熱上嘅菠菜配上胡麻醬真係第一次試，超美味！胡麻醬嘅奶滑感令菠菜味道生色不少。
刺身盛 梅（$488）
刺身拼盤有三文魚、鰤魚、螢光魷魚、吞拿魚赤身、鯛魚、帶子。
呢個擺盤一流，落曬食用花，令呢碟好似花園咁靚！刺身厚切，味道鮮味十足。
六味蠔（$248）
食完刺身拼盤就有蠔拼盤。
酸汁蘿蔔蓉、昆布魚湯、清酒、吉列、芝士薯蓉、他他，用唔同嘅汁黎襯托啲蠔有唔同嘅感覺。平時食蠔會飲清酒，今次直頭加埋落啲蠔度我又幾鍾意。
四色雞肉串（$138）
跟住係雞肉串，都係落左唔同嘅醬，分別係明太子、蜜糖芥辣、黑糖芥末、紫蘇。雞肉本身都嫩滑，我就覺得黑糖芥末同紫蘇幾特別，黑糖味有驚喜，紫蘇酸酸味味。
