南記粉麵 (謝斐道)

营业中

休息中

作為重口味人士，見到南記有芫荽餐就想食！芫荽米線套餐：芫荽，芫荽，全部都係芫荽。有芫荽湯底+ 一份芫荽+ 3粒芫荽丸+芫荽可樂。湯底比想像中冇咁濃，除非同埋芫荽一齊食，唔會太重口味。米線慢慢浸，食到最後會有少少芫荽味。豆卜更能吸芫荽精華。由於已不停食芫荽，已麻木，芫荽丸味道唔太出，好似豬肉丸咁，少少彈牙，口感幾好。第一次南記炸豬扒，唔錯，可會太乾。至於芫荽可口可樂… 最難飲嘅可樂，兩者一啲都唔夾。寧願默默地飲湯底，好似飲芫荽皮蛋湯咁。整體除咗飲品伏，米線okay，可以一試。