👍🏻🪑我幾鍾意佢呢個環境, 樓底夠高冇乜壓迫感, 座位傢俬木系裝飾, 好舒服, 如果我仲係在學時期, 一定坐喺吧枱食嘢溫書👍🏻
我同朋友簡單叫咗兩個套餐😎
🥚溫泉蛋牛肉烏冬(M) $39+$2
😎鮮芫荽+8
🐟魚手指套餐+$18
雖然呢度牛丼飯比較出名, 但我個人建議可以轉烏冬, 因為我好鍾意呢度幼身嘅烏冬, 加上似壽喜燒嘅湯底, 甜甜地, 同牛肉嘅配搭都好襯😍同埋芫荽控嘅朋友有福氣 我今次自己加$8 叫咗一整碗嘅芫荽 非常新鮮 配烏冬&麵豉湯更好👍🏻溫泉蛋凍凍地, 我自己打咗落個碗度 好似當湯咁 一口就飲(食）晒 勁爽😂😂
🍔芝士雙重魔王堡 $58
🐥炸雞球套餐+$20
呢個漢堡其實算係邪惡之中嘅天使，平民性價比之選，因為兩塊牛其實幾厚下，出面其他餐廳食的話我覺得至少都要$88，慶幸芝士冇想像中咁多，所以一啲都唔會好腬👍🏻雞球炸雞粉唔算多，配搭冰紅茶就唔會有油膩感，紅茶唔甜，偏淡，唔鍾意重口味嘅人就啱啦🤭
