影片
更多
2019-03-07
59 浏览
期待已久去銅鑼灣酒鍋好耐，平時見到朋友喺社交平台打卡嘅食物環境照片非常吸引，今晚終於有口福了！店員親切有禮，即時安排我哋四人坐卡位位置，就連卡位位置都非常寬敞，六個人坐都可以。一張火鍋紙上面已經有多款火鍋配料，不過湯底實在太多選擇了，每一款都好想試吓，最後我哋投票選出巨無霸芫荽鍋。巨無霸芫荽鍋有四個不同口味嘅湯底，包括蕃茄薯仔豬骨、清湯牛腩、四川麻辣同喇沙海鮮湯底，一次過可以滿足我哋四個願望。每一款湯底都各有特色，不過我最鍾意就係喇沙海鮮湯底，果然喇沙味道好濃郁，再放大大隻嘅花甲入去，味道更match，而且海鮮好新鮮，食落去冇沙兼爽口。火鍋配料林林總總，首先就係日本頂級黑毛豬豚腩肉，賣相已經好吸引，一片片呈現出來，驟眼睇已經見到豬肉條紋好分明，食落去肉質鮮嫩，唔需要點任何醬汁，已經滿口是新鮮黑毛豬味道，必食之選。還有韭菜餃，每一隻都非常大隻，內餡非常足料，配以入面啖啖韭菜豬肉碎，味道好濃郁，大愛！亦都估唔到，第一次食來自台灣嘅水蓮好入味，青綠色嘅一條條有好脆口嘅口感，仲要好索味，值得一試。除此之外，其他食物都同樣新鮮美味，而且賣相精美，影相一流！飲品除咗涼茶之外，仲有多款特色嘅Mock
期待已久去銅鑼灣酒鍋好耐，平時見到朋友喺社交平台打卡嘅食物環境照片非常吸引，今晚終於有口福了！店員親切有禮，即時安排我哋四人坐卡位位置，就連卡位位置都非常寬敞，六個人坐都可以。
一張火鍋紙上面已經有多款火鍋配料，不過湯底實在太多選擇了，每一款都好想試吓，最後我哋投票選出巨無霸芫荽鍋。
巨無霸芫荽鍋有四個不同口味嘅湯底，包括蕃茄薯仔豬骨、清湯牛腩、四川麻辣同喇沙海鮮湯底，一次過可以滿足我哋四個願望。
每一款湯底都各有特色，不過我最鍾意就係喇沙海鮮湯底，果然喇沙味道好濃郁，再放大大隻嘅花甲入去，味道更match，而且海鮮好新鮮，食落去冇沙兼爽口。
火鍋配料林林總總，首先就係日本頂級黑毛豬豚腩肉，賣相已經好吸引，一片片呈現出來，驟眼睇已經見到豬肉條紋好分明，食落去肉質鮮嫩，唔需要點任何醬汁，已經滿口是新鮮黑毛豬味道，必食之選。
還有韭菜餃，每一隻都非常大隻，內餡非常足料，配以入面啖啖韭菜豬肉碎，味道好濃郁，大愛！
亦都估唔到，第一次食來自台灣嘅水蓮好入味，青綠色嘅一條條有好脆口嘅口感，仲要好索味，值得一試。
除此之外，其他食物都同樣新鮮美味，而且賣相精美，影相一流！
飲品除咗涼茶之外，仲有多款特色嘅Mocktail 同埋Cocktail ，我就揀咗Peach on the beach，有非常濃郁嘅蜜桃味道。
食完真係覺得非常滿足，環境又一流，可以望到對面海尖沙咀嘅美景，而且食物質素真係好高，下次一定會再encore。
张贴
