Candy Shake (已結業)

旺角有好多小食店 ，每次出到旺角都要食個飽。今次小妹就決定試下Candy Shake 的芝士大判燒。我一次食大判燒，所以有點期待。原來Candy Shake 都有做鹹食的，旁邊一個小玻璃櫃放滿了炸物，林林種種，食完鹹又食甜都不錯。在窗櫥看了好久，好想食炸物呀，但又怕熱氣，不過算了吧，「出得黎行，就預左要還」，食完再算吧。手打墨魚餅 ＄15黑魚餅都算彈牙，炸到香脆，不太油膩。咬開裡面還有粟米粒。大判燒 ＄18 （10粒）有四隻味，忌廉芝士、韓國泡菜、七彩綿花糖和焦糖爆谷。我叫了混合，＄18有10粒。有不同形狀，心心、星星形。外面軟軟的，裡面就有不同心味的材料。日本乳酸菌糖奶昔 ＄12 （買大判燒半價換）乳酸味少，奶味濃，口感如果可以更似奶昔就更好。面頭有好多星星形糖作點綴。賣相幾有趣。店內裝修都幾有趣，牆上有好多糖果。如果出開旺角，可以試下這間小食店，它除了鹹食、奶昔和大判燒，還有出名的芝士tart 。