影片
更多
2021-03-03
65 浏览
今天天氣突然轉涼，最啱食雞煲。網上見到呢個芝士雞煲勁吸引，即刻嚟長沙灣會一會佢。餐廳環境乾淨企理，疫情下店員會每張枱做足清潔，令人好有安全感。有啲食評話呢度似茶餐廳，我感覺比普通茶餐廳坐得舒服，枱與枱之間亦都有足夠空間。餐廳電視獨沽一台，有堅持。叫咗一個芝士雞煲，一上枱已經非常吸引，店員會密切監察爐火嘅情況，確保唔會黐底，成餐飯由頭食到尾都冇癡底。因為朋友驚太多芝士會太漏，所以揀咗普通芝士份量。芝士味香濃，而且食得多唔會覺得油膩，相信餐廳有食調配過芝士嘅份量。雞好滑，就算係喺芝士裏面煲咗好耐亦都唔會嚡口。畫龍點睛係用咗紫洋蔥，食到最後洋蔥融化咗係芝士裏面，每一啖都超級正。呢個芝士雞煲好有水準，超得👍 另外嗌咗半份手打五寶拼盤。丸的尺寸非常大，而且好足料，每一粒都好有特色，墨丸超彈牙，豬肉丸好濃肉餅味，完全唔同其他批發攞貨，好有heart❤️響鈴又係極有特色，一上枱姐姐同我哋講係即炸，見到咁巨型嘅響鈴都知道一定唔會係攞貨。味道亦都係超好，浸埋芝士汁，半脆半軟又香又好味，必食之選。另一吸湯汁之選就係竹笙，吸晒啲芝士汁爽口美味。油麥菜新鮮，加芝士汁食多多都唔夠。另外值得一提係全店嘅侍應都非常友
餐廳環境乾淨企理，疫情下店員會每張枱做足清潔，令人好有安全感。有啲食評話呢度似茶餐廳，我感覺比普通茶餐廳坐得舒服，枱與枱之間亦都有足夠空間。
餐廳電視獨沽一台，有堅持。
叫咗一個芝士雞煲，一上枱已經非常吸引，店員會密切監察爐火嘅情況，確保唔會黐底，成餐飯由頭食到尾都冇癡底。因為朋友驚太多芝士會太漏，所以揀咗普通芝士份量。芝士味香濃，而且食得多唔會覺得油膩，相信餐廳有食調配過芝士嘅份量。
雞好滑，就算係喺芝士裏面煲咗好耐亦都唔會嚡口。畫龍點睛係用咗紫洋蔥，食到最後洋蔥融化咗係芝士裏面，每一啖都超級正。呢個芝士雞煲好有水準，超得👍
另外嗌咗半份手打五寶拼盤。丸的尺寸非常大，而且好足料，每一粒都好有特色，墨丸超彈牙，豬肉丸好濃肉餅味，完全唔同其他批發攞貨，好有heart❤️
響鈴又係極有特色，一上枱姐姐同我哋講係即炸，見到咁巨型嘅響鈴都知道一定唔會係攞貨。味道亦都係超好，浸埋芝士汁，半脆半軟又香又好味，必食之選。
另一吸湯汁之選就係竹笙，吸晒啲芝士汁爽口美味。
油麥菜新鮮，加芝士汁食多多都唔夠。
另外值得一提係全店嘅侍應都非常友善親切，仲會換骨碟！服務100分。
總括來講十分推薦喜愛芝士嘅人嚟食，一定唔會覺得失望！！！
张贴
