影片
更多
2018-04-23
64 浏览
呢排食雞煲食到上晒癮，朋友一推介就即刻book黎食呢間米走雞，聽講個芝士雞煲好正，一於約埋幾個朋友一齊黎聚一聚！環境：呢度地方都幾大，四人卡位非常寬敞，坐得舒服，加上呢度燈光偏暗，增加左私人度，岩晒情侶或者三五知己聚會傾計！服務：呢度既侍應好有禮貌，仲好主動不時幫我地加茶、加湯同收碟，而呢度既上菜速度仲快到你唔信，亦都冇漏單，服務滿意！衛生：因為燈光比較暗，所以感覺地方尚算新淨，當然枱凳同用具係乾淨既。味道：我地點左一個芝士雞煲同一個清湯用黎打邊爐，芝士雞煲係厚厚既香濃芝士完全地包住每件雞，即使d雞件有成隻手咁大件，都可以做到啖啖都有芝士，完全係充滿罪惡感既滿足！我最鐘意既鱔片！份量都幾多，要知道出街食鱔不嬲貴，好多舖頭一份鱔都係得好少，係度就唔使就住食，而且皮肉均勻，味道有水準！四拼餃有8隻，講真打得邊爐通常上到碟都好難分到唔同味，但呢碟四拼餃我地真係可以分番邊個食左咩味，各個味道都有特色，果然唔馬虎！另外都想讚下響鈴同午餐肉，睇相就知份量唔係講笑，個響鈴大舊到一口食唔晒，午餐肉做到厚切既精髓！抵食：計番一人二百五蚊左右，份量一定夠晒，兩個煲再加配料飽到我地傻，而且大部分配料都有質素
環境：呢度地方都幾大，四人卡位非常寬敞，坐得舒服，加上呢度燈光偏暗，增加左私人度，岩晒情侶或者三五知己聚會傾計！
服務：呢度既侍應好有禮貌，仲好主動不時幫我地加茶、加湯同收碟，而呢度既上菜速度仲快到你唔信，亦都冇漏單，服務滿意！
衛生：因為燈光比較暗，所以感覺地方尚算新淨，當然枱凳同用具係乾淨既。
味道：
我地點左一個芝士雞煲同一個清湯用黎打邊爐，芝士雞煲係厚厚既香濃芝士完全地包住每件雞，即使d雞件有成隻手咁大件，都可以做到啖啖都有芝士，完全係充滿罪惡感既滿足！
我最鐘意既鱔片！份量都幾多，要知道出街食鱔不嬲貴，好多舖頭一份鱔都係得好少，係度就唔使就住食，而且皮肉均勻，味道有水準！
四拼餃有8隻，講真打得邊爐通常上到碟都好難分到唔同味，但呢碟四拼餃我地真係可以分番邊個食左咩味，各個味道都有特色，果然唔馬虎！
另外都想讚下響鈴同午餐肉，睇相就知份量唔係講笑，個響鈴大舊到一口食唔晒，午餐肉做到厚切既精髓！
抵食：計番一人二百五蚊左右，份量一定夠晒，兩個煲再加配料飽到我地傻，而且大部分配料都有質素，食得開心！
张贴
