亞蘇爾 (形點) (已結業)

葡國腸松露芝士豬扒包~聽到個名就已經好想試！賣相勁正！主角豬扒雖然有啲肥，但係其他野都可以補救到，有濃郁但依然清新既芝士，腸仔粒，令到層次好豐富！好juicy!!!薯格都幾好，炸得夠熱夠熟，炸油都唔會好舊！溫泉火山口葡國雞芝士焗飯~除咗醬汁係黃色之外其他嘢同Pizza Hut食到嘅完全唔同，面頭有馬介休鹹魚同好多芝士 餸就有薯仔同菠蘿。呢個飯會有飯焦香，整體不錯～但可惜嘅係唔係人人都接受到佢嘅鹹魚香，略嫌有點刺鼻難聞。餐湯係南瓜湯，口感豐富，入口滑，味道濃 ，唔會好一粒粒同南瓜糊。