真‧章魚無雙 (已搬遷) 新店位置

因為夜晚冇得堂食，所以呢晚唯有同男朋友黎到葵廣掃街拍拖。第一間食既係真•章魚無雙。顧名思義，呢間主打食章魚燒。佢提供好多種特別味道既章魚燒，最後男朋友揀左真•芝士章魚燒。因為要留肚食其它野，所以剩係食一種味先。真•芝士章魚燒六粒$32即叫即整，落左好多沙律醬，芝士份量都好多，當然仲有木魚絲啦。每粒章魚燒入面都有粒章魚，食落有咬口。整體口感唔錯，偏軟腍，但又唔會食到得糊狀既感覺，亦都唔會好鹹，價錢亦唔貴，食得過。